Friday, 14 June 2019

FAWZAN KO ADEEL PAGE 11&12

πŸ’„Fawzan ko Adeel?πŸ’


Written by MSB✍🏻 
Story by Maryam Sb (MSB) πŸ˜˜πŸ’• 




πŸ‘„πŸ’‹




Page 11-12




Daidai parlor suka ja suka tsaya, parlon cike yake da mata ko wace sanye da hijabinta, tsaye Samha tayi tana kare ma parlon din kallo taki cewa komai, Amal ce tayi karfin halin cewa


“Assalamu Alaikum”


Matan suka amsa da “Wa’alaikumus-salam”


“Samha!” Ta fada tana saukowa da gudu daga bene, tana zuwa ta makalkale ta tana kuka har rawa jikinta keyi kamar mazari. 

Gaba daya Samha ta kasa koda kwakwaran motsi, duk da batasan meke faruwa ba, amma ko tambaya ta kasa. 


“Sai hakuri Yusra” cewar wata mata dake zaune kasan carpet

“Ki daina kuka Yusra, addu’a yake bukata ba kuka ba” cewar wata 

“Kiyi hakuri Yusra, Allah sa ya huta yasa iyakar wahalar kenan” cewar wata kuma tana goge hawaye.


“Meke faruwa?” Amal ta fada a razane 


A hankali Yusra ta sassauta rikon da take ma Samha, sannan kuma ta janye jikinta daga gareta but still hannuwanta na kan Samha sunata kyarma.


“Ya tafi, Samha ya tafi, shikenan, ya... Innalillahi wa inna ilahir rajiun” ta fada tare da fadawa kan kafadun Samha tana cigaba da kuka.


“Wa?” Cewar Amal


A halin yanzu Yusra bata iya magana, sai da kyar ta samu ta tsaida kukannata, ta dago da rinnanun idanunta tana riko hannuwan Samha tana kallonta cikin ido.


“Ya... Fawzan...” wani irin kuka ta kuma fashewa dashi tare dasa hannu ta toshi bakinta, rintse idonta tayi gam gam tana cigaba da gunjin kuka.


Ware idanu Amal tayi a razane tare da fadin 
“Innalillahi wa inna ilahir rajiun” 


Sarai Samha taji abinda akace, yarda ne kawai ta kasa.


Amal kuka take a hankali cike da tausayin Samha.


Cikin sheshekar kuka Yusra ke girgiza Samha ganin taki motsi tunda suka shigo


“Samha Kinji ni? Fawzan ya rasu ya riga mu gidan gaskiya” 


Tuni take girgiza kai tana murmushi, tace
“Bakuda hankali? Wayace maku ya mutu? Fawzan bazai mutu yanzu ba, sai munyi aure mun haifi yara masu kyau, masu kama da babansu” ta fada tana murmushi already dreaming about it.


Amal tana kuka ta rike Samha
“No ya Samha, ya mu...”


“Bai mutu ba!” Ta fada tana mata wani wani irin mugun kallo


“Idan dai har ya mutu ku nuna mun gawarsa yanzu!” Ta fada cikin daga murya duk wani mahuluki dake gidan yana iya jinta. 


“Samha...” cewar Yusra cikin kuka.


Kallonta Samha keyi kamar yau ta fara ganinta.


“Gawarsa bata ganuwa, plane crash fa ne, ya kone, ance ba’a gane shi a cikin gawawwakin kaf ba wanda ya rayu, daga can za’a rufe sa...”


Cikin tsawa tace
“Karya kikeyi ya Yusra, he can’t be dead, munyi magana yace mun zai dawo daya dawo zamuyi aure, lafiyansa kalau ki daina daura masa mutuwa” 


“Ya Samha...” Cewar Amal tana kuka



Mami ce ke saukowa daga bene idanunta sunyi luhu luhu sun kukkumbura, Samha na ganinta ta ruga inda take da sauri tare da hugging dinta. 



“Mami kingansu ko? Ki fada masu Fawzan bai mutu ba zai dawo nan da lokacin kadan” 


Wasu hawayen suka kuma sauko ma Mami, tana girgiza kanta cike da tausayin Samha. 


Kamo ta Mami tayi ganin yadda kafafuwanta ke kyarma har tsayuwar ma na neman gagarta. 

Kan kujera ta zaunar da ita sannan ita ma Mamin ta zauna gefenta tare da kamo hannuwanta duka biyun.


“Khadija nasan kin razana da jin wannan mummunan labarin da ya riske mu lokaci guda, duk da munsan da ciwo amma mutuwa dole ce ko munki ko munso zamu tafi, kowa lokacinsa yake jira ba tsumi ba dabara, wannan ranar itace ranar da Fawzan zai koma ga mahaliccinsa a rubuce yake, muna masa fatan aljanna ce makomarsa, Allah ya jikansa yasa mutuwa hutu ce a gareshi, kiyi masa addu’a shine kadai abinda yafi bukata a wannan lokacin, Fawzan yana sonki, yana kaunar ki, kamar yadda kike sonsa kike kaunarsa, wannan shi zai nuna irin son da kike masa shine kiyi masa addu’a” 
Mami ta karasa zancen tana kokarin danne hawayen da ke kokarin sauko mata. 


Kura mata ido Samha tayi, gabanta yayi wani irin mummunan faduwa, kanta ya sara, jikinta ba abinda yakeyi sai kyarma, kokarin tashi tsaye takeyi amma ina biyu biyu take gani, kanta ya dinga juya mata kafin ta ankara sai ji tayi Mami na kokarin tarbo ta, amma ina Samha ta sume.




___________




















RIP FAWZAN 😒

FAWZAN KO ADEEL PAGE 10

πŸ’„Fawzan ko Adeel?πŸ’


Written by MSB✍🏻 
Story by Maryam Sb (MSB) πŸ˜˜πŸ’• 




πŸ‘„πŸ’‹




Page 10




Dafa ta Amal tayi a kid’ime, tare da kiran sunanta.


“Ya Samha! Lafiya dai haka?”


Girgiza kai ta shiga yi
“Bazaki gane ba Amal”

“Bazan gane me ba?”

“Wani irin mummunan mafarki nayi” ta fada tana goge zufa a fuskanta

“Mafarki kuma? Daga yin mafarki sai ki bi rude jifa yadda kike zufa”

“Dole nayi zufa Amal” ta fada tana murza goshinta da yatsunta

Zama Amal tayi gefenta 
“Mafarki fa ba gaskiya bane ya Samha”


Daga mata hannu tayi
“A’a Amal, wannan mafarkin bai mun kama da karya ba, it looks so real” 

“Toh naji me kika gani a mafarkin?”


Ajiyar zuciya taya sannan tace
“Wai ya Hilwa na bacci, kin tashe ta wai kina mata nasiha and kika ja hannunta kuka je wasu kofofi kala kala and kuna zuwa kika nuna mata gawar Fawzan yana kwance...” tace all in one breath.


“Ok ok first of all take a deep breath, and relax” 

Tayi yanda tace 

“Ya Samha na kara fada maki mafarki ba gaskiya bane, kima daina daga hankalinki nothing will happen”

Kallonta kawai takeyi kamar zatayi magana sai kuma ta fasa, a hankali ta shiga saukowa daga kan gado sai da ta sauko gaba daya sannan ta kalli Amal

“Daman bance something will happen ba bamu fata, just mafarkin looks so real bazaki gane ba”


Amal tayi murmushi 
“Jekiyi wankanki kawai”

Toilet ta shiga ta rufo kofar, tana shiga Amal ta tashi ta shiga gyara dakin. 

Mintina kusan 20 ta dauka kafin ta fito, bayan ta gama shafe shafenta ta saka wata doguwar rigar atamfa, fitted gown light pink color, turare ta feshe jikinta dashi, gaba daya batada walwala tunanin Fawzan takeyi da dalilin da yasa har yanzu bai kira ba. 

“Ya Samha na gama dafa indomie ga taki ko nan zakici?”

Yamutsa fuska tayi
“Nace miki ina jin yunwa ne?”

“Ya Samha please” 

“Okay kawo mun nan,  ina Hajiya?”

“Tana wanka”

“Okay”


Tura indomie din tayi da kyar Ta samu taci rabi, dauka tayi ta ba Samira yar aikin Hajiya. 

“Ya Samha na lura bakya son cin abinci kwanan nan” Amal tace tana cin indomie 

“Ko? Sarkin sa ido”

“Ya Samha! Basa ido ba muna tare ai dole na gani ko?”

“Please sharrap and mind your business”

“Ahh! Sorry”

“Sorry for yourself abeg”


Dariya ta su6uce ma Amal.
“Temper din ta mecece kuma daga tambaya?”

“Oho” tashi tayi ta shiga dakin Hajiya, zaune ta iske ta tana gyara ganyen zogale

“Kai Hajajju kedai kina son kwadon zogale”

“Ku ai bakusan dadi ba”

“Nidai bai mun ba”

“Kaji yan gayu, bakusan komai ba sai shamarma take ko me? Da wannna abin pitta”

Dariya ta kwashe Samha
“Wayyo Allah kauyis, shawarma ake cewa da pizza”

“Ohon maku”


“Toh kawo na taya ki tsigewa”

Bige mata hannu tayi cikin wasa

“Banso”

“Yi hakuri kawo har kwada miki zanyi”

Ta dalla mata harara
“Sai kace iyawa kikayi”

Ta turo baki
“Na iya mana kawo na baki mamaki”

Mika mata tayi
“Bani mamakin toh”

“Angama”

Tsigewa ta shiga yi har ta gama, sannan ta kwada mata yaji albasa da tumatir, yaji kuli
Kuli ma, bayan ta gama ta mika mata
“Gashi kici ki fada mun yadda yayi”

Tana ci ta soma yamutsa fuska
“Tir ba dadi ungo kayanki”


“Kai kai kai!” Samha ta fada tana kokarin kwace kwanon

Hajiya ta rike gam
“A’a saki Khadija”

Samha tasa dariya
“Amma kikace ba dadi?” 

“Babu”

“Bani toh”


Amal ce ta shigo
“Ya Samha lafiyanki?”

“Lau” bayan ta karbi kwanon 

“Bata abinta” cewar Amal tana hayewa kan gado

“Tace ba dadi”

“Wai kin raina yar baiwar Allahn nan”

Hararanta Samha tayi bayan ta mika Hajiya kwanonta.

“Tashi ki bani wuri toh”

“Yi hakuri Hajiya”

“Naki”

“Please”

“Nayi” 


Tashi Samha tayi, daki ta tafi don ta manta wayanta saman gado. 5 missed calls ta gani na Yusra.

“Yeey! Nasan zata fada mun wani abu  dangane da Fawzan” 

Da sauri ta kira sai dai har ta tsinke ba’a dauka ba, ta kara kira a karo na biyu nan ma dai ba’a dauka ba. 

Sai kuma taji hankalinta ya dan tashi, nan ta dinga kira amma ba’a dauka ba.


Da sauri ta shiga dakin Hajiya 
“Hajiya don Allah sa direbanki ya kaini wani wuri”

Ta dago tana kallonta”
“Ina zakije da safe haka?”

“Gidansu Yusra” ta mata karya

“Toh kice yankaiki mana, kar ki dade amma dai”

“Toh Hajiya” ta fita da sauri, Amal ta lura da yanayinta yasa ta tashi ta biyota

“Ya Samha lafiya?”

“Amal yaya Yusra ta kirani amma inata kiranta bata dauka ba”


“Toh shine me?”

“Ina ji a jikina ba lafiya ba, can gidan zanje”
Ta fada tana zura hijabinta black color 

Amal ma hijabin ta dauko
“Toh muje na raka ki”
Bata tsaya jiran me zatace ba tabi bayanta da sauri.


Tunda suka shiga mota take kiran layin Yusra tun ba’a dauka har aka kashe gaba daya.



“Ya Samha don Allah ki kwantar da hankalinki”


Shiru tayi kurum in banda faduwa ba abinda gabata keyi.



Tunda suka doso unguwar gabanta ya tsananta bugu, duk yadda Amal taso kwantar mata hankali abin ya gagara.

Motoci ta gani ko ta ina a layin, gabanta yayi mummunan faduwa, a hankalinki take karanta Innalillahi wa inna ilahir rajiun.

Kofar gidan mutane ne birjit, har da kyar mota ke ra6awa in zata wuce. Tuni Samha ta rude, tun kafin motar ta tsaya ta bude ta fito a guje, Amal ta fito tabi bayanta da gudu tana kwala mata kira amma ina hankalinta baya jikinta, tun daga waje ta soma jin koke koke...


















Hmmm! Nayi shiru dai 🀫

FAWZAN KO ADEEL PAGE 09

πŸ’„Fawzan ko Adeel?πŸ’


Written by MSB✍🏻 
Story by Maryam Sb (MSB) 😘 πŸ’• 




πŸ‘„πŸ’‹




Page 09



“Mom please” tace tana riko hannuwan mom.

“Wai idan kuka tafi nida wa zaku bari?” Mom ta fada tana latsa wayarta da alama wata number take nema zata kira.


“Mom kwana 2 kawai zamuyi fa kawai” cewar Amal.


“Don Allah mom” Samha ta fada tana zama kasa gefen mom. 

“Ok kuje amma make sure kun fada ma babanku”


Yau kwana 1 kenan da tafiyar Fawzan, tunda ya tafi wayansa ke kashe tana ta kira, amma sai kawai tayi tunanin tasan baiyi settling ba kuma maybe aiki ne ya rike sa, amma tace zata kuma gwadawa gobe. 

Kadaici ne ya ishe ta shine ta tuna da kakarsu ta side din babansu, ita kadai ke sata dariya tana debe mata kewa.


Dad suka tambaya ya amince, cike da murna suka ruga upstairs itada Amal, da yake Amal ta dawo dakinsu Samha gadon Hilwa. Kayansu suka shiga harhadawa a jaka da duk wani abu da zasu bukata. 
Bankwana suka ma su mom Salisu ya tafi kaisu Gwarumpa. 



_______




Da gudu suka shiga gidan.

“Hi kakale!”
Suka fada suna fadawa jikinta. 

“Ke Dije haka akeyi zaku fado ma yar tsohuwa salon ku karya ta” tace tana kwance kullin goronta a leather.


Samha ta tsani sunan wai Dije, asalin sunanta Khadija sunan kakarta ne ta wurin mom.


“Tabdi! Hajiya, Dije kuma?” Tace tana daga gira daya, dariya tayi ta make mata cinya cikin wasa.

“Yar tsohuwa ina wuni?” Cewar Amal tana dora kanta bisa cinyarta

“Lafiya takwara Hassatuwalle” murtuke fuska tayi 

“Hafsat dai”

“Ke kika san wani Hafsa mu Hassatu muka sani”

“Bawani nan”

“Eh mana, wai tukunna ma wata nawa zakuyi nan?” Ta fada tana ballar goro tana kaiwa baki


“Ahh! Easy yar tsohuwa meya kawo na wata kuma kwana biyu kawai zamuyi”cewar Samha. 


“Ja’ira” tace tana kyalkyatar dariya


Suka sa dariya gaba daya. 


Daddare Tuwon semo miyan kuka da man shanu suka ci, bayan sun gama ne suna zaune dakin da suke sauka. Samha tace da Amal.

“Har yanzu Fawzan bai kirani da number din can ba” ta fada cike da damuwa

“Da gaske? That’s unlike him, kila aiki ya masa yawa ki dan kara jira kadan zai kira inshaAllah” 


“Allah dai yasa lafiya, na saba ne duk inda yaje yana sauka yake kira na...”


“Ya Samha ki kwantar da hankalinki zai kira”


“Okay Hakane kam”



*****


Washe gari yawo suka tafi mostly shopping, sannan suka siyo snacks sai da yamma suka dawo. 

Wanka Samha tayi nan taji saukin gajiyan dake damunta, dogon skirt ta saka baki da riga pink color, sai da sukayi sallar asr sannan suka baje sukaci suka sha duk da dai Samha din ba wani da yawa taci ba.

Tana gamawa Yasmin ta kirata, dauka tayi 

“Hey dear” cewar Yasmin.

“Ya kike?”

“Alhamdulillah ashe bakya gida nazo akace kina gidan Hajiya”


“Wallahi fa, jiya nazo amma gobe zan koma inshaAllah”


“Ton shikenan bari na tafi gida kawai...”

“Haba baki iya zuwa nan?”


“Zan iya mana, yamma tayi that’s why”

“Oh ok, ya labarin Fawzan?”


Ajiyar zuciya tayi
“Har yanzu bai kirani ba”

“Zai kira aiki ne ya rike sa nasan”

“Bai taba tafiya ba aiki ya hana sa kirana ba”

“Maybe this around is different kinsan dole akwai kwakwaran dalilin da yasa bai kira ba dai ko, ki masa uzuri”

“Nayi”

“Yawwa, toh bari na tafi bye, sai munyi magana”


“Thank you so much Yasmin insha Allah idan na dawo zanzo”


“Alright”




*****


The most annoying sound in the world woke her up, her stupid alerm. 

Da sauri tasa hannu ta kashe, karfe 4:30, a kasalance ta fada toilet, bayan ta fito ne ta soma da nafilfili, ana kiran Asuba Amal na tashi ta shiga toilet don yin alwalla.

Bayan Samha ta gama sallah ne ta bude qur’ani tana ta karantawa daga suratul fatiha, then her favorite surah wato Suratul mujadala har ta gama sannan ta karanta sauran litattafan addu’ointa bayan ta shafa.  

Karfe 6 ta tashi daga kan sallaya, ta ninke ta mayar da qur’ani mazauninsa.
Gado ta hau kafin wani lokaci bacci ya dauke ta.


______


“Ya Hilwa tashi! Tashi ya Hilwa” a hankali ta bude idonta inda ta sauke kan Amal dake tsaye kanta. 

“Lafiya zaki tashe ni ina bacci?”

Zama tayi gefenta ta rungumo ta, take ta fara sheshekar kuka. 

Cikin rashin fahimta ta janye ta daga jikinta tace
“Kuka Amal? Meyafaru?”

“Ya Hilwa kinsan dai kullu nafsin za’ikatul maut ko? Kinsan da haka ko?”

Gabanta ya fadi.
“Na...sani mana, wani abin ne ya faru”

“Ya Hilwa ki zamo daga cikin masu hakuri da tawwakali, ki zamto mai hakuri ya Hilwa”

A lokacin ne kuma gabanta ya tsananta bugu
“Amal ki sanar dani meya faru don Allah?”

Ba tare da tace komai ta jawo hannunta suka rinka shiga wasu kofofi kofa tafi goma har suka iso wata kofa mai hasken gaske, ja sukayi suka tsaya, iska ke kadawa ko ina ga wani irin haske mai haske idanu.

Amal ta shiga nuna kasa inda gawar ke kwance an lullu6e ta da farin linkafani.

“Bude ki gani ya Hilwa”

Hawaye ya shiga sakko mata
“Waye? Waya rasu?”
Ta tambayi wasu mutane dake tsaye cikin shigar kayan pilot. 


Ba wanda ya tanka ta, hakan yasa ta dinga takawa a hankali har ta isa inda gawar take, tafi minti 2 kafin a hankali ta zame kasa tana kallon gawar, hannunta ya shiga rawa inda tasa hannu ta fara yaye fuskar mutumin. 

Tana budewa ta mike tsaye a razane tana girgiza kai hawaye kuwa kamar ana ruwan sama, nuna gawar take still tana girgiza kai
“It can’t be! No!”

Razanniyar kasa ta saki...


“Hasbunallahu wa ni’imal wakil” zaune take kan gado amma ko wace ga6a ta jikinta rawa take kamar mazari, zufa kuwa ta jike jagab tsabar razana. 

“Innalillahi wa Inna ilaihir raji’un”

Kawai take nawatawa tana tunanin wannan mummunar mafarki da tayi....